په ننګرهار کې د ۵۸۰ متره محافظوي دیوال د جوړولو کار روان دی
د کلیو بیا رغونې او پراختیا وزارت د سیمه ییز پروګرام له لوري د ننګرهار ولایت د چپرهار ولسوالي په ماڼو موره کلي کې له معیارونو سره سم د ۵۸۰ مترو په اوږدوالي پوخ محافظوي دیوال جوړیږي چې کار یې ۹۵ سلنه مخ ته تللی دی.
د یادې پروژې د تطبیق پر مهال ۴۹۰۶ کاري ورځې رامنځته کیږي او په بشپړیدو به یې د سیمې ۱۴۰۰ اوسیدونکي ترې ګټه پورته کړي. د یادونې وړ ده چې د دغې پروژې په بشپړیدو به هلته نه یواځې پراخه کرنیزه ځمکه بلکې د سیمې ګڼ شمیر کورونه هم د سیلابونو له ګواښ څخه خوندي کړل شي.
