په ننګرهارکې د اوبو لګولو کاریز د رغولو کار روان دی
د کلیو بیا رغونې او پرمختیا وزارت د سیمه ییز پروګرام د همغږی دفتر له لوري د ننګرهار ولایت د روداتو ولسوالۍ په کان دیکان کلي کې د اوبو لګولو کاریز د رغولو کار ۴۰ سلنه مخته تللی دی. د دغې پروژې په ترڅ کې د اوبو لګولو د کاریز څاه ګانې او د ۱۷۵۵ مترو په اوږدوالي کروندو ته د اوبو د رسولو پوخ کانال جوړیږي.
د یادې پروژې د تطبیق پر مهال کاریګرو ته ۴۴۸۶ کاري ورځې رامنځته شوې او په بشپړیدو به یې د سیمې ۱۹۶۰ اوسیدونکي ترې ګټه پورته کړي. د یادونې وړ ده، چې د دغې پروژې په بشيړیدو به د سیمې سلګونه جریبه کرنیزه ځمکه د اوبو لګولو تر منظم پوښښ لاندې راشي.
