په میدان وردګ کې د ۱۲ میلیونه افغانیو په ارزښت د اوبه خور د ۳.۵ کیلو متره کانال هوکړه لیک لاسلیک شو
د کلیو بیا رغونې او پراختیا وزارت د اوبو رسولو او کلیوالي حفظ الصحې ملي پروګرام له لوري د میدان وردګ ولایت د جلریز ولسوالۍ په دهن نیک او پشت مزار کلیو کې د ۱۲ میلیونه افغانیو په ارزښت د اوبه خور د ۳.۵ کیلو متره کانکریټي کانال هوکړه لیک د یاد ولایت د کلیو بیا رغونې او پراختیا ریاست او اړوندې شورا تر منځ لاسلیک شو.
د یادولو وړ ده چې د دې پروژې په ترڅ کې به سلګونه کاري ورځې رامنځ ته شي او تر بشپړتیا وروسته به یې ۹۰۰ جریبه کرنیزه ځمکه د اوبه خور تر منظم پوښښ لاندې راشي.
