په میدان وردګو کې د ۱۲.۶ میلیونو افغانیو په ارزښت یو محافظتي دیوال جوړ شو
د کلیو د بیارغونې او پراختیا وزارت د سیمه ییزو پروګرامونو د همغږۍ برنامې له لوري د میدان وردګو ولایت، دایمیردادو ولسوالۍ په قول زنګي سیمه کې د ۱۲.۶ میلیونه افغانیو په ارزښت د ٨٤٠ مترو په اوږدوالي سره یو محافظوي دېوال ګټې اخیستنې ته وسپارل شو. د دې پروژې د تطبیق پرمهال ګڼ شمېر د سیمې اوسیدونکو ته د کارکولو زمینه هم برابره شوې ده. یاد محافظوي دېوال په اساسي بڼه رغول شوی دی، چې په راتلونکي کې به په لسګونه جریبه کرنیزه ځمکه او د اوسېدو کورنه، د موسمي سیلابونو راوتلو پر مهال خوندي کوي.
