په غورکې ۱۴.۶ میلیونو افغانیو په ارزښت د څښاک د پاکو اوبو شبکه جوړه شوه
د کلیو بیا رغونې او پرختیا وزارت په کلیوالي سیمو کې د اوبو رسولو، روغتیاساتنې او اوبو لګولو ملي پروګرام له لوري د غور ولایت په مرکز آهنگران علیا و سفلای فیروزکوه کلیو کې د اوبو جاذبوي شبکه د ۱۴.۶ میلیونو افغانیو په ارزښت جوړه او ګټې اخیستنې ته وسپارل شوه.
دغه شبکه چې د ۱۹۰ مکعب مترو په حجم د اوبو ۳ ذخیرې او همدا ډول ۳۴.۶۲۵ کیلومتر پایپ په درلودو سره میترونه هم لري. ویل کیږي، چې ددې پروژې ۱۵ زره ۷۸۸ کاري ورځې رامنځته کړې او د بشپړېدو سره یې ۹۰۰ کورنۍ، دوه ښوونځي او یوه د دیني زده کړو مدرسه د څښاک د پاکو اوبو څخه برخمنې کړې دي.
