په سمنگان کې د ۵.۳ میلیونه افغانیو په لګښت د یوه پل د جوړولو کار بشپړ شو
د کلیو بیارغونې او پراختیا وزارت د ولسي تړون ملي پروګرام له لوري د سمنگان ولایت د حضرت سلطان ولسوالۍ په دولت آباد کلي کې د ۵.۳ میلیونه افغانیو په لګښت د یوه پُل د جوړولو کار بشپړ او ګټې اخیستنې ته وسپارل شو.
دغه پُل ۲۵ متره اوږدوالی او ۳.۸ متره پلنوالی لري.
د یادونې وړ ده چې د دې پروژې په بشپړیدو سره د سیمې د اوسېدونکو ترانسپورتي ستونزې هوارې شوې. او کروندګروته یې د کرنیزو محصولاتو د خرڅلاو په برخه کې اسانتیاوې رامنځته کړي دي.
