په سرپل کې د ۷.۵ میلیونه افغانیو په ارزښت د اوبو رسولو د دوو شبکو کار روان دی
د کلیو بیا رغونې او پراختیا وزارت د اوبو رسولو او کلیوالي حفظ الصحې ملي پروګرام له لوري د سرپل ولایت د مرکز په نو اباد خیراباد او نواباد اسیاباد کلیو کې کې د ۷.۵ میلیونه افغانیو په ارزښت د اوبو رسولو د دوو شبکو کار روان دی.
دا شبکې ۴.۷ او ۲ کیلو متره اوږدوالی لري، د ۲۰ مترو مکعبو په کچه د اوبو زیرمې، د اوبو څاګانې، ۴۸ تختې سولرونه، ۳۹۹ نلکې او د میټرونو بکسونه لري، د دې شبکو په جوړولو سره به ۶۱۰ کورنۍ د څښاک پاکو او صحي اوبو ته لاسرسی پیدا کړي.
