په سرپل کې د ۵ میلیونه افغانیو په ارزښت د محافظوي دیوال د پروژې کار روان دی
په سرپل ولایت کې د کلیو د بیا رغونې او پراختیا وزارت د سیمه ییز پروګرام له لوري د یاد ولایت په مرکز پورې اړونده سیمه کنګره کې د څه باندې ۵ میلیونه افغانیو په ارزښت د محافظوي دیوال د جوړولو د پروژې کار شپیته سلنه مخ ته تللی دی.
د یادې پروژې د تطبیق پر مهال ۹۸۴ کاري ورځې رامنځته کیږي چې په بشپړیدو به یې د سیمې ۸۳۷ اوسیدونکي له دغې پروژې ګټه پورته کړي.
د یادونې وړ ده چې دغه پروژه به د سیمې زیاته کرنیزه ځمکه او ګڼ شمیر باغونه د سیلابونو له زیان څخه خوندي کړي.
