په سرپل کې د ۴.۸ میلیونه افغانیو په ارزښت د ۲۶۰ متره محافظوي دیوال پروژه بشپړه شوه
د کلیو بیا رغونې او پراختیا وزارت د سیمه ییز پروګرام له لوري د سرپل ولایت د سانچارک ولسوالۍ په اوقاف کلان شرقي کلي کې د ۴.۸ میلیونه افغانیو په ارزښت د ۲۶۰ متره محافظوي دیوال په بنسټيز او پاخه ډول جوړ شو.
د دې پروژې په ترڅ کې ۱۴۳۲ کاري ورځې رامنځ ته شوې وې او تر بشپړتیا وروسته یې ۹۴۸ تنه سیمه ییز وګړي له ګټو برخمن شول.
یاده دې وي چې په دې پروژې سره سلګونه جریبه کرنیزه ځمکه او سلګونه د اوسیدو کورونه د سیلابونو له ګواښه خوندي شول.
