په سرپل کې د ښاري برېښنا یوه شبکه ګتې اخیستنې ته وسپارل شوه.
د کلیو بیارغونې او پراختیا وزارت د ولسي تړون ملي پروګرام له لوري د سرپل ولایت مرکز اړوند په عبدالرشید خان کلي د ۴.۵ میلیونه افغانیو په لګښت د ښاري برېښنا د شبکې د غځېدو کار بشپړ شویدی.
په دې شبکه کې د۲۰ کیلو ولټه مزي د لیږدولو لپاره د تي پي و اس ډوله ۱۲متره، ۵۶ ستنې او د ۰،۴ کیلو ولټه مزي د لیږدولو لپاره د تی پی و اس ډوله ۹ متره ۲۳ ستنې په پام کې نیول شوېدي، چې د ۳۰۰ کیلو ولټه امپیر په ظرفیت ۲ ترانسفارمرونه هم لري. د یادونې وړ ده چې د دې پروژې په بهیر کې تخنیکي او نا تخنیکي کاریګرو ته ۹۳۹ کاري ورځې رامنځته شوېدي او ۱۷۲ کورنۍ ترې ګټه اخلي.
