په دایکندي کې د ۱۷ میلیونو افغانیو په ارزښت ۵ کیلو متره سړک ګټې اخیستنې ته وسپارل شو
د کلیو بیا رغونې او پرختیا وزارت د کلیوالي لار جوړونې ملي پروگرام له لوري د دایکندي ولایت د ګیتي ولسوالۍ له سرتمران کلي څخه د خدیر ولسوالۍ تر بالاویر کلي پورې د ۱۷ میلیونو افغانیو په ارزښت ۵ کیلو متره سړک ګټې اخیستنې ته وسپارل شو. ددې سړک په کاري بهیر کې کاریګرو ته ۶۲۰۰ کاري ورځې رامنځته شوې، چې په بشپړیدو سره یې، د بالاور، چهاردو، نمازګاه ، شاه خیران ، قاضي سعید ، بندسی، کهنه ده، میانه مزار او سرتمران کلیو ۱۲ زره اوسیدونکي د لومړني خدمتونو له مرکزونو سره وصل شول.
