په بلخ کې د ۱۹ میلیونه افغانیو په ارزښت د دریو پرمختیایي پروژو کار بشپړ شو
د کلیو بیارغونې او پراختیا وزارت د افغان تاجیک پولې په اوږدو کې د معیشت د پرمختګ (لیتاکاـ۲) پروګرام له لوري د بلخ ولایت د خلم ولسوالۍ په خانقاه عاشور علي، ده ملا نبي او شاهي خیل افغانیه کلیو کې د۱۹ میلیونه افغانیو په ارزښت د دریو پرمختیایي پروژو کار بشپړ او ګټې اخستنې ته وسپارل شو.
په دې پروژو کې په خانقاه عاشور علي کلي کې ۲۱ متره پل، په ده ملا نبي کلي کې ۳۰۰ متره محافظوي دیوال او په شاهي خیل افغانیه کلي کې ۳۵۰ متره ګبیوني دیوال جوړول شامل دي، چې د جوړیدو په ترڅ کې یې ۱۳ زره کاري ورځې رامنځته شوې دي.
باید ووایو چې ددې پروژو په پلي کیدو سره د سیمې د اوسیدونکو ډیری ترانسپورتي ستونزې هوارې شوي او کورونه او کرنیزې ځمکې یې د نیزونو له ګواښه خوندي شوې دي.
