په بلخ ولایت کې د ۷۰ کورنیو ماشومانو ته د زده کړې مناسبه زمینه برابره شوه
په بلخ ولایت کې د ۷۰ کورنیو ماشومان د یوه ښوونځی په جوړیدو سره د زده کړې له مناسب چاپېریال څخه برخمن شول. دا ښوونځی ۶ درسي خونې او ۳ تشنابونه لري، د دهدادي ولسوالۍ اړوند د کاریز خرد کلي پراختیایي شورا لخوا یې کار بشپړ شویدی. چې ۳.۶ میلیونه افغانۍ لګښت پرې راغلی. دغه ښوونځی د کلیو بيارغونې او پراختیا وزارت، د ولسي تړون ملي پروګرام له لوري د اقرأ پروژې تر سیوري لاندې د نجونو او هلکانو د زده کړې لپاره جوړ شویدی. دې پروژې د تخنیکي او نا تخنیکي کاریګرو لپاره لسګونه کاري ورځې رامنځته کړې وې.
