په بدخشان کې د محافظوي دیوال جوړولو یوه پروژه بشپړه شوه
د کلیو بیا رغونې او پراختیا وزارت د سیمه ییز پروګرام له لوري د بدخشان ولایت د مرکز په شورابک کلي ۶۴۰ متره محافظوي دیوال په پاخه او بنسټیز ډول په دوو پړاوونو کې بشپړ او ګټې اخیستنې ته وسپارل شو.
د دې پروژې په ترڅ کې ۴۵۵۹ کاري ورځې رامنځ ته شوې وې او په بشپړتیا سره یې ۲۸۰۰ تنه له ګټو برخمن شول.
په دې محافظوي دیوال سره ۱۶۰ جریبه کرنیزه ځمکه، ګڼ باغونه، او سلګونه کورونه د سیلابونو له ګواښه خوندي شول.