نن د افغانستان لپاره د ملل متحد په چوکاټ کي د UNOPS مشر ښاغلی نیکولاست جورج او ورسره مل پلاوي د کلیو د بیارغونې او پراختیا وزارت له سرپرست وزیر الحاج ملا محمد یونس آخندازاده سره د خپل کار په دفتر کي وکتل
د مجلس په پيل کي د UNOPS مشر ښاغلی نیکولاست جورج وویل: زموږ ۷۶۵۰۰ پروژې د هېواد د ۲۶ ولایتونو په ۷۰ ولسوالیو کې پلي کیږي، د ځینو پروژو چارې عملا روانې دي او ځینې به په راتلونکي کې پیل شي،نوموړي دا هم وويل: کومې پیسې چې موږ پروژو ته تخصیص کړي هغه به یوازې په پروژو مصرفیږي، يعني عملياتي مصارف به له دې پيسو څخه نه اداء کيږي.
جورج په غیر دولتي مؤسساتو کي د ميرمنو د کار په اړه د اسلامي امارت د مشرتابه فرمان ته په اشارې وويل:
د دې فرمان له راتګ سره موږ له يو لړ ننګونو سره مخ سوي يو...
چاري مو ټکنۍ سوي دي ، که اسلامي امارت په دې برخه کي څه نا څه تنازل وکړي ترڅو هيواد ته راتلونکي مرستي له خنډ او ځنډ سره مخ نشي.
د کلیو د بیارغونې او پراختیا وزارت سرپرست وزیر الحاج ملا محمد یونس آخندزاده میلمنو ته د ښه راغلاست تر څنګ د UNOPS دفتر د پراختیايي پروژو د پلي کولو مننه وکړه او ډاډ يې ورکړ چې د افغانستان اسلامي امارت د پالیسي سره سم به له تاسو سره د پروژو په پلي کولو کي همکاري کوو، د اسلامي امارت هر فرمان د اولس له نبض سره برابر دی، فکر نه کوم چي تاسو دي په دې برخه کي له کوم مشکل سره مواجه سئ.
د انکشاف دهات وزارت په کاري ساحه کي تاسي په ټول هيواد کي يو مثال نه سئ وړاندي کولای چي په دې برخه کي دي تاسي له کومې ستونزي سره مخ سوي ياست، بيا هم ډاډ درکوو چي د هر راز مرستو په رسولو کي به د اسلامي امارت له پاليسي سره سم ستاسو سره همکاري کوو.
