ملت ته د دولت حساب ورکولو پروګرام

noor_admin
سه‌شنبه ۱۴۰۲/۵/۱۰ - ۴:۵۸
1

د کلیو د بیارغونې او پراختیا وزارت د کلیو ودانیزو چارو مرستیال مفتي سید احمد مستقیم نن له غرمې مخکې د ا.ا.ا د اطلاعاتو او رسنیو په مرکز کې ملت ته د دولت حساب ورکولو پروګرام له لارې د یاد وزارت د ۱۴۴۴ هـ.ق کال لاسته راوړنې وړاندې کړې.

په یاده خبري غونډه کې وزارت د پلان او پالیسي مرستیال مولوي شرف الدین مسلم ، د کلیوالي اوبو رسولو او روغتیا ساتنې رئیس مولوي بخت منیر محمد ، د مقام د دفتر رئیس مولوي میرزا محمد شکیب ، د اطلاعاتو او عامه پوهاوي رئیس او ویاند ملا نورالهادي عادل  او خبریالانو ګډون کړي وو.

د کلیو د بیارغونې او پراختیا وزارت د کلیو ودانیزو چارو مرستیال مفتي سید احمد مستقیم د یاد وزارت د وروستي یو کال د لاسته راوړنو په هکله وینا وکړه  او وویل: د کلیو د بیارغونې او پراختیا وزارت له نوم څخه معلومیږي چې په کلیو کې د رغونې او پراختیا کار کوي. دغه وزارت په کلیو کې د پاکو اوبو برابرول، پل او پلچک، کلیوالي سړکونه، استنادي دیوالونه، لمریزه بریښنا او داسې نور خدمات وړاندې کوي چې له مالي محدویتونو سره سره د کلیو د بیارغونې او پراختیا وزارت توانیدلی چې په بیلابیلو سکټورونو کې پراختیايي پروژې پلې کړي.

محترم مفتي صاحب د خپلو خبرو په ترڅ څرګنده کړه چې یاد وزارت د کلیوالي اوبو رسولو او روغتیا ساتنې په برخه کې د هېواد په (۲۶) ولایتونو کې (۱۰۴) پروژې  بشپړې کړي او د هېواد په (۳۴) ولایتونو کې د (۳۸۳) پروژو چارې جریان لري.

همداراز مستقیم صاحب زیاته کړه د کلیوالي لارجوړونې په برخه کې په کابل، لوګر، کاپيسا، پروان او بادغیس ولایتونو کې د (۳۵) کیلو متره سړک کانکریټولو، اسفالټ او جغل اچولو کار بشپړ او ګټې اخیستنې ته سپارل شوی دی او د اوبو لګولو په برخه کې په بادغیس، هلمند، کندهار او خوست ولایتونو کې د (۲۵) پروژو چارې بشپړې شوي او په (۱۴) ولایتونو کې د کانکریټي کانالونو، پلونو، سړکونو، اوسپنیزو پلونو، محافظوي دیوالونو او سربندونو د (۵۹) پروژو چارې روانې دي.

یاده خبري غونډه د خبریالانو د پوښتنو د ځواب ورکولو وروسته پایته ورسیده.

تازه خبرونه

یکشنبه ۱۴۰۵/۹/۱ - ۹:۴۷
Background image

په بلخ ولایت کې د اوبو رسولو یوه شبکه ګټې اخیستنې ته وسپارل شوه

د بلخ ولایت د کلیو د بیارغونې او پراختیا ریاست له لوري د دغه ولایت د چهار بولک ولسوالۍ په آق ‌تپه کلي کې د (۸۴۱۹۱) امریکایي ډالرو په لګښت د اوبو رسولو یوې شبکې د جوړولو چارې بشپړې او ګټ. . .

یکشنبه ۱۴۰۵/۹/۱ - ۹:۴۴
Background image

په غزني ولایت کې د اوبو رسولو یوې شبکې د جوړولو چارې پيل شوې

د غزني ولایت د کلیو د بیارغونې او پراختیا ریاست له لوري د دغه ولایت د ګیلان ولسوالۍ په بهبود کلا کلي کې د (۹،۲) میلیون افغانیو په لګښت د اوبو رسولو یوې شبکې د جوړولو چارې پيل شوې.

 په. . .

سه‌شنبه ۱۴۰۵/۸/۵ - ۱۱:۳۰
Background image

د کلیو د بیارغونې او پراختیا وزارت محترم وزیر د یونیسف دفتر له استازې او مل پلاوي سره وکتل

د کلیو د بیارغونې او پراختیا وزارت محترم وزیر الحاج ملا عبداللطیف منصور صاحب نن په خپل کاري دفتر کې د یونیسف دفتر له استازې او مل پلاوي سره لیدنه وکړه.

د لیدنې په پیل کې د یونیسف دفتر. . .

BACK TO NEWS