د ۳۱۲ ميليونه افغانیو په ارزښت د لسو پرمختیایي پروژو هوکړه لیکونه لاسلیک شول

content_manager
سه‌شنبه ۱۳۹۸/۳/۲۸ - ۱۱:۱۰
انسجام ساحوی

د کليو بیارغونې  او پراختیا وزارت د هېواد په اوو ولایتونو کې د ۳۱۲ ميليونه افغانیو په ارزښت د لسو پرمختیایي پروژو هوکړه لیکونه نن( د سې شنبې په ورځ  د غبرګولي په ۲۸ ) له پرمختیايي شوراګانو سره لاسلیک  کړل.
د کليو بیارغونې او پراختیا وزیر پوهنمل مجیب الرحمن کریمي په هغو مراسمو کې چې په همدې موخه جوړ ول، وویل" یادې پروژې د هېواد په اوو ولایتونو:کنړ، کاپیسا، لوګر، خوست، جوزجان، کندهار او زابل ولایتونو کې پلي کېږي، چې یوه مهمه پروژه یې د کنړ سیند د استنادي دیوالونو ده، چې ۴۰  متره اوږدوالی لري، چې نږدې یو میلیارد او سل ميليونه افغانۍ لګښت پرې کېږي خو نن ورځ د دې ۴۰ کیلومتره دیوال څخه د ۱۰ کیلومتره په اوږدوالي دیوال هوکړه لیک، چې ارزښت یې ۲۹۰ ميليونه کېږي لاسلیک  شو او پاتې برخه به یې په راتلونکي کال کې جوړه شي، چې  ۳۶۰۰ هکتاره شاړه شوې، ځمکه به په کرنیزه ځمکه بدله کړه".
ښاغلي کریمي وویل، چې د یادې پروژې په کاري بهیر کې به ۸۵ زره کاري ورځې رامنځته شي او ۶۰ زره د سېمې اوسیدونکي  به ترې ګټه اخلي.
د کليو بیارغونې او پراختیا وزیر وویل:"چې د هېواد جمهور رئیس په ځانګړې سپارښتنه د کوچیانو د ژوند ښه والي په موخه به نهه پروژې چې پنځه یې د اوبو رسولو کانالونه دي او څلور نورې پروژې هم د څښاک د اوبو په برخه کې دي،  ۲۱ ميليونه افغانۍ لګښت لري او د هېواد په شپږو  ولایتونو:( کندهار، خوست، کاپیسا، لوګر، جوزجان او زابل) کې به پلي شي، چې په کاري بهیر کې به ۱۰۷۳۰ کاري ورځې رامنځته شي او ۳۱ زره خلک به ترې ګټه اخلي.
د یادونې وړ ده، چې څلوېښت کلن جنګ سخت فقر د کوچیانو ژوند، مالونو او څړ ځایونو سخت ځپلي، چې د افغانستان دولت په ځانګړي ډول د کليو بیارغونې او پراختیا وزارت هڅه کوي، چې د بېلابېلو پرمختیایي پروژو له لارې د دوی ژوند کې مثبت تغییرات راولي.

تازه خبرونه

سه‌شنبه ۱۳۹۸/۴/۲۵ - ۱۴:۱۶
Background image

د ننګرهار په بټي‌کوټ او سرخ رود ولسواليو کې  څه باندې ۵۵۰ کورنيو لپاره د څښلو اوبه برابرې شوې

د کليو د بيارغونې او پرمختيا وزارت په کليوالي سيمو کې  د اوبو رسولو د ملي پروګرام له لوري د څه باندې شپږ ميليونه افغانيو په ارزښت  د ننګرها ولايت د بټي‌کوټ ولسوالۍ په «هيبت‌خېلو» او د. . .

سه‌شنبه ۱۳۹۸/۴/۲۵ - ۱۰:۵۰
Background image

په تخار کې د لس ميليونه افغانیو په ارزښت د ۳،۸۶ کیلومتره سړک د جوړولو چارې پیل شوې

د کليو بیارغونې او پراختیا وزارت د کلیوالي لار جوړولو ملي پروګرام له لوري د تخار ولایت مرکز اړوند په ده باش تالقان کلي کې د ۱۰ ميليونه افغانیو په ارزښت د ۳،۸۶ کیلومتره سړک د جوړولو چارې. . .

سه‌شنبه ۱۳۹۸/۴/۲۵ - ۱۰:۴۷
Background image

په کاپیسا کې د ۸،۵ ميليونه افغانیو په ارزښت د کرنیزو ځمکو د اوبو کولو کانال چارې پیل شوې

د کليو بیارغونې او پراختیا وزارت د سیمه ییزو پروګرامونو د همغږي دفتر له لوري د کاپیسا مرکز اړوند د دشتې ارچې نو اباد په سېمه کې د ۸،۵ ميليونه افغانیو په ارزښت د ۲،۴۹۲ کیلومتره  د کرنیزو. . .

BACK TO NEWS