د کلیو د بیارغونې او پراختیا وزارت محترم وزیر د اهل تشیع مخور سره وکتل
د کلیو د بیارغونې او پراختیا وزارت محترم وزیر الحاج ملا عبداللطیف منصور صاحب نن په خپل کاري دفتر کې د اهل تشیع له مخور سید حسن فاضل زاده او استازو سره لیدنه وکړه.
د لیدنې په پیل کې ښاغلي سید حسن فاضل زاده په هېواد کې د اسلامي امارت د ټينګوالي او په افغانستان کې د پراختیايي پروژو د پلي کولو په تړاو محترم وزیر صاحب سره خبرې وکړې او د هر ډول همکاريو ژمنه وکړه.
ورپسې د کلیو د بیارغونې او پراختیا وزارت محترم وزیر الحاج ملا عبداللطیف منصور صاحب د اهل تشیع مخور ته د ښه راغلاست ترڅنګ وویل: له نیکه مرغه زموږ هېواد کې اسلامي نظام حاکم دی او ټول ولس يې په خوشحالۍ سره ملتیا کوي، زموږ نظام ټولو مذاهبو ته درناوی لري او د کلیو د بیارغونې او پراختیا وزارت د خپلو ژمنو سره سم تل د ولس په خدمت کې دی.
