د کلیو د بیارغونې او پراختیا وزارت له لورې په هرات ولایت کې (١۹) چیک ډیمونه جوړیږي
د کلیو د بیارغونې او پراختیا وزارت له لورې په هرات ولایت کې د څه باندې (٦٠)میلیونه افغانیو په لګښت په(١٩) ولسوالیو کې (١۹) چیک ډیمونه جوړیږي، چې له جملې څخه يې د (٧) چیک ډیمونو د جوړولو چارې نن د یو لړ مراسمو په ترڅ کې د کلیو د بیارغونې او پراختیا وزارت د سرپرست وزير الحاج ملا محمد یونس اخندازاده او مل پلاوي له لورې يې عملا چاري پیل شوې.
په یاده غونډه کې د کلیو د بیارغونې او پراختیا وزارت سرپرست وزير الحاج ملا محمد یونس اخندزاده، مل پلاوي،د هرات ولایت د کلیو د بیارغونې او پراختیا رياست رئیس مولوي عبدالسلام هجرت، د هلمند ولایت د کلیو د بیارغونې او پراختیا رياست رئیس ملا محمود ثاني، د یاد ولایت یو شمیر مسؤولینو، د سیمې علماء کرامو، سپین ږیرو او ځوانانو ګډون کړی وو.
د یادو چیکډیمونو د کار په جریان کې به د سیمې سلګونه تنه کاریګرو ته د کار زمینه برابره شې او په جوړیدو سره به يې د نوموړو ولسوالیو د باران اوبه مهار او د ځمکې لاندې اوبو سطحه به برقراره وساتل شي.
