د کلیو د بیارغونې او پراختیا وزارت له لوري په کابل ولایت کې د اوبو رسولو څلور شبکې ګټې اخیستنې ته وسپارل شوې
د کلیو د بیارغونې او پراختیا وزارت له لوري او د یونیسف دفتر په مالي مرسته د کابل ولایت د استالف، کلکان، ده سبز او فرزه ولسوالیو په روغتیايي کلینیکونو کې د (۶۶۵۱۴۲۲) افغانیو په لګښت د اوبو رسولو د څلورو شبکو چارې بشپړې او نن د یوې غونډې په ترڅ کې د دغه وزارت د پلان او پالیسۍ مرستیال حاجي مولوي شرف الدین مسلم له خوا ګټې اخیستنې ته وسپارل شوې.
په دغو شبکو کې د (۱۳۰)، (۷۰)، (۶۵) او (۱۱۰) مترو په ژوروالي د څلورو څاګانو کیندل او د پاکو اوبو د دوو اوسپني کانکریټي ذخیرو جوړول شامل دي.
د یادو شبکو په بشپړیدو سره د نوموړو ولسوالیو (۸۳۰) کورنیو او د کلینیکونو مراجعینو د څښاک پاکو اوبو ته لاسرسی پيدا کړ.
دیادو شبکو په پرانیست غونډه کې د کابل ولایت والي حاجي ملا امین الله عبید، د دغه ولایت د کلیو د بیارغونې او پراختیا رئیس مولوي محمد یونس حنفي، د نوموړو ولسوالیو ولسوالانو، سپین ږیرو، مخورو او ځوانانو ګډون کړی وو.
