د کلیو د بیارغونې او پراختیا وزارت سرپرست وزیر د اسلامي هوساینې مؤسسې له عمومي رئیس سره وکتل
نن یکشنبه د کلیو د بیارغونې او پراختیا وزارت سرپرست وزیر الحاج ملا محمد یونس اخندزاده د اسلامې هوساینې مؤسسې له عمومي رئیس ښاغلې عمیر او مل پلاوي سره وکتل.
د لیدنې په پیل کې د اسلامي هوساینې مؤسسې عمومي رئیس ښاغلې عمیر د خپل دفتر د فعالیتونو په هکله محترم وزیر صاحب ته معلومات ورکړل او وویل چې مونږ په ۴۰ اسلامي هیوادونو کې فعالیت کوو او زمونږ دفتر د بیارغونې، روغتیا، بشري مرستو، د بې سرپرسته کورنیو او ماشومانو د لاسنیوي په برخه کې کارکوي.
او غواړو په راتلونکې کې د همدې وزارت په لارښوونه د خلکو د اړتیاوو په اساس د بیارغونې پروژې پلې کړو.
ورپسې د کلیو د بیارغونې او پراختیا سرپرست وزیر الحاج ملا محمد یونس اخندزاده د اسلامې هوساینې مؤسسې رئیس ښاغلې عمیر ته ښه راغلاست ووایه او د یاد دفتر د کارونو او فعالیتونو ستاینه – قدردانې یې وکړه او وویل اوس تاسې کولای شئ چې په امن کې کار وکړئ او د افغانستان اسلامي امارت د مؤسساتو او انجوګانو د طرزالعمل سره سم خپلو فعالیتونو ته دوام ورکړئ.
همداراز خپل کارونه په پوره شفافیت او د هیوادوالو د ضرورت په اساس ترسره کړئ.
د لیدنې په پای کې دواړو لوریو پر دوامداره همکاریو ټینګار وکړ.
