د کليو د بيارغونې او پراختيا وزارت له لورې په سپين بولدک ولسوالۍ کي د استنادي ديوال چارې پيل شوې
د کليو د بيارغونې او پراختيا وزارت د سرپرست الحاج ملا محمد يونس اخندزاده او مل پلاوي له لوري د کندهار ولايت د سپين بولدک ولسوالۍ په ترکزی لومړې پارټ، ترکزي دوهم پارټ، محبوب شاه او ګلان کلیو کې د (۷۵) میلیونه او (۶۲۲) زره افغانیو په لګښت د (۵۲۰۰) مترو په اوږدوالي د استنادي ديوال چارې نن د یوي غونډي په ترڅ کې پيل شوې.
په یاده پرانیست غونډه کې د سپين بولدک ولسوالۍ ولسوال حاجي بشير د کندهار ولايت د کليو د بيارغونې او پراختيا رئیس حاجي عبدالجبار حکمت او د سيمې علماء کرامو سپين زرو مخورو ګډون کړی وو.
د غونډي په جریان کي محترم وزیر صاحب خپله وینا وکړل او وویل: د قوش تپي د پروژي څخه بغیر په هیواد کې تر پنځوس زیاتي لویي نوری پروژي هم شروع دي .
دغه استنادي ديوال به د نوموړې ولسوالۍ رود خپل مسير ته واړوي او سلګونه هکټاره ځمکه به د موسمي بارانونو او سیلابونو له زيان څخه خوندي کړي.
د يادونې وړ ده چې تير کال د نوموړې ولسوالۍ ځمکې د سيلابونو له امله زیانمنې شوې وې او رود له خپل مسير څخه اوښتی وو چې د سپين بولدک او کندهار لويه لاره يې د دريو ورځو لپاره بنده کړې وه چې د یاد استنادي ديوال په جوړولو سره به د رود اوبه مهار او ياده لويه لاره به د اوبو له زیان څخه خوندي شي.
