د پکتیکا ولایت د ۱۱ ولسوالیو مشرانو او ځوانانو د کلیو بیارغونې او پراختیا له وزیر سره ولیدل
ید پکتیکا د ۱۱ ولسوالیو قومي مشرانو، سپین ږیرو، علماء کرامو او ځوانانو د کلیو بیارغونې او پراختیا وزیر پوهندوی مجیب الرحمن کریمي سره په لیدنه کې د یاد ولایت د خلکو ستونزې او غوښتنې شریکې کړې.
دوي په خپلو ولسوالیو کې د څښاک اوبو، کرنیزو ځمکو لپاره د کانالونو، استنادي دیوالونو، سړکونو، ښوونځیو ته ودانیو جوړولو او یو شمېر نورو ټولګټو پروژو غوښتنې وکړې.
د کلیو بیارغونې او پراختیا وزیر پوهندوی مجیب الرحمن کریمي د وزارت اړونده برنامو ته په یادو برخو کې د پاملرنې سپارښتنې وکړې.
ښاغلي کریمي دوي ته ډاډ ورکړ چې، د ولسونو د ښیرازۍ په موخه به د دوی غوښتنو او د ستونزو حل ته جدي پاملرنه کیږي.
