د میدان وردگو په بهسودو ولسوالۍ کې د څه باندې درې میلیونو افغانیو په ارزښت د څښاک اوبو یوه شبکه جوړیږي
د کلیو بیا رغونې او پرختیا رئیس او د میدان وردګو ولایت د مرکز بهسودو ولسوالۍ د قوم چولي پراختیایي شورا ترمنځ نن د یادې ولسوالۍ په دیوار قول چولي سیمه کې د اوبو رسولو شبکې، چې په لمریزه برېښنا به هم سمباله وي د جوړولو تړون لاسلیک شو.
دا پروژه د کلیو د بیارغونې او پراختیا وزارت د اوبو رسولو او روغتیا ساتنې ملي پروګرام له لوري پلې کیږي. او د یادې شبکې تر جوړولو وروسته به د دې سیمې شاوخوا ٣٠٠ کورنۍ پاکو او صحي اوبو ته لاس رسی پیدا کړي. همدا راز به ګڼ شمېر کسانو ته پکې د کار کولو زمینه هم برابره شي. په دې شبکه ټولې درې میلیونه افغانۍ لګښت راځي.
