د مالیي وزارت د ګمرکاتو او عوایدو نوي ټاکل شوي معین د کلیو بیارغونې او پراختیا وزارت له کارکوونکو سره خدای په اماني وکړه
د خداي په امانۍ په دې مراسمو کې د کليو بیارغونې او پراختیا وزیر پوهندوی مجیب الرحمن کریمي له عیسي قدرت مننه وکړه، چې په اوږدې کاري تجربې، چې د پرمختیا په سکتور کې یې لري د کلیو بیارغونې او پراختیا وزارت د پروګرامونو د معینیت چارې ښې مدیریت کړې او د نوې مسوولیت په برخه کې یې ورته د بریا غوښتنه وکړه.
محمد عیسي قدرت په خپلو خبرو کې د هېواد جمهور رئیس او د کلیو بیارغونې اوپراختیا وزیر له باور او ښې همکارۍ مننه وکړه او زیاته یې کړه، چې په ټول توان به هڅه کوي، چې د دولت عواید په ښه بڼه کنټرول او مدیریت کړي، چې په راتلونکو څو کالونو کې د هېواد پر ځان بسیا کېدو هدف ته ورسیږي.
باید یاده شي، چې محمد عیسي قدرت د ۱۳۹۷ کال د وږي میاشتې په لسمه نېټه د کليو بیارغونې او پراختیا وزارت د پروګرامونو معین وټاکل شو او د ۱۳۹۸ کال، د مرغومي په څلورمه نېټه دمالیې سرپرست وزیر دوکتور همایون قیومي او د کلیو بیارغونې او پراختیا وزیر پوهندوی مجیب الرحمن کریمي لخوا د مالیې وزارت کارکوونکو ته د مالیې وزارت د ګمرکاتو او عوایدو د معین په توګه ور وپيژندل شو.
