بدخشان کې له ۱۹ اړو کورنیو سره د ۷۱ زره افغانيو په ارزښت د خوراکي اوغیر خوراکي توکو مرسته وشوه

د کلیو د بیارغونې او پراختیا وزارت د ولسي تړون ملي پروګرام د غله جاتو د بانکونو له لوري له ۱۹ اړو کورنیو سره د ۷۱ زره افغانيو په ارزښت د بدخشان ولایت د درایم ولسوالۍ اړوند د ده بالای یامچیان پراختیایي شورا لخوا د خوراکي او غیر خوراکی توکو مرستې وشوې. دغه مرستې د ولسي تړون د ټولنیز ګډون لپاره د مالي وجهې پروګرام (SIG) لخوا چې د خلکو ونډه هم پکې شامله وه، کلیوالو ته وړاندې شوې چې اوړه، غنم، غوړي، وریژې، وربشې، مالګه، بوره، تورچای، اورلګیت، صابون، نارینه او ښځینه بوټان او د پخلنځي لوازم (چیني غوري ، گیلاسونه اوقابونه) پکې شامل وو. د بې روزګارۍ او موسمی لوږې په موده کې د کلیو اړو کسانو ته د غله جاتو بانکونو له لارې مرسته، دشتمنو خلکولخوا د بې وزلو دلاسنیوي فرهنګ خپروي.