د کليو د بيارغونې او پراختيا وزارت د کلیو ودانیزو چارو مرستیال هلمند ولایت ته سفر وکړ
د کليو د بيارغونې او پراختيا وزارت د کلیو ودانیزو چارو مرستیال الحاج محمد ارسلاح خروټي او مل پلاوي هلمند ولایت ته د کاري سفر په ترڅ کې د یاد ولایت د کلیو د بیارغونې او پراختیا ریاست له رئیس او کارکوونکو سره لیدنه وکړه.
د کلیو د بیارغونې او پراختیا وزارت د کلیو ودانیزو چارو مرستیال د یاد ریاست له رئیس سره د پروژو د پلي کولو د څرنګوالي په اړه خبرې وکړې، د کارکوونکو شته ستونزې او غوښتنې له نږدې واوریدې او وویل: د پراختیا او رغونې په برخو کې خپلو ولسونو ته په اخلاص، صداقت او ایماندارۍ سره خدمت وکړئ، د ریاست دروازې تل د ولسونو لپاره خلاصې وساتئ او د ریاست اړوندو غوښتنو ته رسیدنه وکړئ .
همداراز محترم الحاج محمد ارسلاح خروټي وویل چې زموږ هېواد او ولسونه زیات کار او خدمت ته اړتیا لري نو باید تل خپلې وظیفي ته په خپل وخت راشئ او درسپارل شوي کارونه مو د اسلامي ارزښتونو په رڼا کې ترسره کړئ.
