په لغمان کې د دوو پروژو د رغونې چارې پيل شوې
د کلیو بیارغونې او پرختیا وزارت د سیمه ییزو پروګرامونو د همغږۍ دفتر له لوري د لغمان ولایت مرکز اړوند د عمرزیو خیراباد سیمه کې ۳۴۰ مترو فرعي کانګریټي سړک، چې ساختمانونه او د سړک دواړه لورو ته ۱۴۲۵ متره محافظوي دیوال شامل دی د رغونې چارې یې پیل شوې. نوموړې پروژه د اړوندې سیمې محلي پرمختیايي شوراګانو له لوري د یو کال په موده کې رغول کیږې. له رغښت وروسته به د سیمې اوسیدونکو ته د تګ او راتګ پوره اسانتیاوې برابرې شې. او د اړوندې سیمې محلي پرمختیايي شوراګانوته سپارښتنې وشوې، چې د پروژې د رغونې چارې دې د پروپوزل د هوکړه لیک سره سم په ښه کیفیت، کمیت او ټاکلې نيټې سر ته ورسوي. نوموړو شورګانو د پروژې د ښه کیفیت او کمیت په اړوند د پوره اخلاص ډاډ څرګند کړ.
