د کلیو د بیارغونې او پراختیا وزارت خپل یو کلن فعالیتونه او لاسته راوړنې له رسنیو سره شریکې کړې
د کلیو د بیارغونې او پراختیا وزارت محترم وزیر الحاج ملا محمد یونس اخندزاده صاحب نن له غرمې مخکې د اطلاعاتو او رسنیو د مرکز په خبري کنفرانس کې د یاد وزارت یو کلن فعالیتونه او لاسته راوړنې رسنیو ته وړاندې کړې.
په دې خبري کنفرانس کې د یاد وزارت د دفتر رئيس مولوي مرزا محمد شکیب، حقوقي سلاکار مولوي خیال محمد عاصم، د اطلاعاتو او رسنیو مرکز رئيس انعام الحق حقاني، د دغه وزارت یو شمیر کارکوونکو او د رسنیو استازو ګډون کړی وو.
د یاد خبري کنفرانس په پيل کې د کلیو د بیارغونې او پراختیا وزارت محترم وزیر الحاج ملا محمد یونس اخندزاده صاحب خپله ارزښتناکه وینا وکړه او وویل: خوښ یو چې یو ځل بیا د کلیو د بیارغونې او پراختیا وزارت یو کلنې لاسته راوړنې رسنیو او خپل دردیدلي مجاهد ولس ته وړاندې کوو، دا د نیکمرغۍ ځای دی په تېر کال کې یاد وزارت په بېلابېلو برخو کې د پام وړ فعالیتونه ترسره کړي چې د یو شمیر حیاتي پروژو چارې پیل شوې او ډیری پراختیایي پروژې ګټې اخیستې ته وسپارل شوې.
ورپسې د کلیو د بیارغونې او پراختیا وزارت د دفتر رئيس مولوي مرزا محمد شکیب د دغه وزارت د یو کلنو فعالیتونو او لاسته راوړنو په هکله رسنیو ته معلومات وړاندې کړل.
دغه خبري کنفرانس د خبریالانو د پوښتنو د ځواب ورکولو او د دعائیې په ویلو سره پای ته ورسېد.
