د کلیو د بیا رغونی او پراختیا وزارت اړوند ۱۰ بستونو اعلان

دکلیو بیا رغونی او  پراختیا وزارت د اد اری اصلاحاتو او ملکی خدمتونود کمیسیون  سره په همغږی د کار اهل کار ته د سپارلو په منظور او  د افغانستان د اسلامی جمهوری دولت د موخود د تحقق  ،د سالمی اداری د رامنځته کولو په موخه لاندی (۱۰) د رتب او معاش سیستم بستونه د وړو او په کار پوهه کاندیدانو د ګمارنی په خاطر  آزادی سیالی ته   سپاری .

·        وړ کاندیدان یوازی کولای شی په آنلاین ډول دی لینک ( http://erecruitment.mrrd.gov.af ) ته په مراجعی سره غوښتل شوي اسناد سره د ضمایمو (پیژند پاڼه – تحصیلی اسناد او کاری تجربه) په درخواستی فورمه کی ثبت کړي .  

·        هیره دی نه وي چی  داستخدام د  پړاوونو پایلی د اداری رسمی ایمیل  یا د ټیلیفون له لاری تر لاسه کولای شی . نو اړینه ده چی خپل ایمیل آدرس سره د ټیلیفون شمیری په درخواستی فورمه کی په دقیق ډول ولیکی .

·        ضمیمه شوی  اسناد ( پیژند پاڼه-تحصیلی سند او کاری تجربه ) باید ټول په یو PDF یا یو Zip folder  کی ځای په ځای شوي وي چی حجم یی باید د 5MB څخه زیات نه وي .

·        د آنلاین درخواست په اړه نور معلومات کولای شی خپله په آنلاین  فورمه کی هم ترلاسه کړی .

·        د اعلان د ختم دنیټی څخه وروسته درخواستی فورم نه منل کیږی .

·        د هر بست شرایط  د دندو په لایحه  او لاندینی جدول کی لیکل شوي، هیله ده چی تر ټولو لمړی لارښود ولولی او بیا د لارښود دلارښوونو سره سم درخواست وکړی.

دلاندینیو اسنادو  لیږل اړین دي :

·        تحصیلی سند ( دیپلوم ) چی د لوړو زده کړو وزارت له خوا تایید شوی وی .

·        دکاری تجربی اسناد

·        که دولتی کارکوونکی یاست خلص سوانح مو چی د صادریدو دنیټی څخه یی شپږ میاشتنی تیری نه وی راولیږی.

·        که چیری په غیر دولتی ادارو او شرکتونو کی مو دنده ترسره کړی وی :- دقرار داد کاپی سره د تصدیق پاڼی چی شرکت یی داړونده دولتی ادارو له خوا تایید یا ثبت او راجستر شوی وی .

© داړتیا په وخت کی کولای شی چی د استخدام دآمریت 0202520219  شمیری سره تماس ونیسی .

Documents