سمیع الحق الکوزی د کلیو بیارغونې او پراختیا وزارت د دفتر سرپرست ریئس معرفي شو
د کلیو بیا رغونې او پراختیا وزارت په وړاندیز او د جمهوري ریاست عالي مقام د حکم پر اساس سمیع الحق الکوزی نن د کلیو بیارغونې او پراختیا نوماند او سرپرست وزیر حیات الله حیات له لوري د وزارت د بیلا بیلو برنامو ریسانو او مسؤلینو ته د نوي دفتر رئیس په توګه ور وپیژندل شو.
د معرفت په مراسمو کې د کلیو بیارغونې او پراختیا وزیر وویل، چې ښاغلی الکوزی د پرمختیایي او اداري کارونو ډيره مخینه لري چې په راتګ سره به یې د وزارت چارې لا ښې او پر وخت ترسره شي.
ښاغلي حیات وویل؛ چې سمیع الحق الکوزي له بېلابیلو ادارو سره له تیرو دولسو کلونو راهیسې په ښو بستونو کار کړی او د ډیرې تجربې څخه برخمن دی.
دغه راز د کلیو بیارغونې او پراختیا وزیر د پخواني ريئس شاپور عبدالرحیمزي د تیرو لاسته راوړنو او کړیو فعالیتونو ستاینه او مننه د تقدیر نامې په ورکولو سره وکړه.
