په روزګان کې د ۱.۳ میلیونه افغانیو په ارزښت د ۳۵۰ متره اوبه خور کانال د جوړونې کار روان دی
د کلیوبیارغونې او پراختیا وزارت د ولسي تړون ملي پروګرام له لوري د روزګان ولایت د مرکز اړوند په سیف الله او انوی کلیو کې د ۱.۳ میلیونه افغانیو په ارزښت د ۳۵۰ متره اوبه خور کانال د جوړونې کار ۹۰ سلنه پرمخ تللی دی.
ددې کانال د جوړیدو په ترڅ کې ۲۲۱۰ کاري ورځې رامنځته کیږي او تر بشپړیدو وروسته به یې ګټه ۱۶۳ کورنیو ته ورسیږي.
د یاد کانال په جوړیدو سره به ۶۰۰ جریبه ځمکه د اوبه خور تر منظم پوښښ لاندې راشي.
