په سمنګانو کې د یوه کرنیز کانال او یوه ترناب د جوړولو کار بشپړ شو
د کلیو بیارغونې او پراختیا وزارت د ولسي تړون ملي پروګرام له لوري د سمنګانو ولایت د حضرت سلطان ولسوالۍ اړوند د نوآباد سرقیه ازبکیه کلي پراختيايي شورا لخوا د ۲.۱ میلیونه افغانیو په لګښت د ۱۲۵ مترو په اوږدوالي يو کرنيزکانال او د ۹ مترو په اوږدوالي د یو ترناب د جوړولو چارې بشپړې او ګټې اخیستنې ته وسپارل شو. د دې پروژې په جوړېدو سره د ځايي خلکو۱۵۰ جريبه کرنيزه ځمکه د اوبو لګونې له معياري سیسټم څخه برخمنه شوه. له دې پروژې ۹۰ کورنۍ ګټه اخلي.
