په نیمروز کې د کلیوالي اقتصاد پیاوړتیا پروګرام د فعالیتونو بهیر
د کلیو د بیارغونې او پراختیا وزارت د کلیوالي اقتصاد د پياوړتیا ملي پروګرام د نیمروز ولایت په چهاربرج ولسوالۍ او زرنج ښار کې ۳۰ نارینه او ښځینه سپما ګروپونه جوړ کړي دي، چې ۲۳۲ کلیوال پکې غړیتوب لري.
همدا راز په دې ولایت کې د ۱۱ پرمختیایي شوراګانو په کچه اتحادیو ته بانکي حسابونه پرانیستل شوي او د پروګرام ګټه اخیستونکو سپما ګروپونو ته ۱۴۱ د سپما بکسونه هم وېشل شوي دي.
د یادونې وړ ده، چې تر اوسه په دې ولایت کې د پور او سپما ۳۸ کلیوالي اتحادیې او ۹۳۴ نارینه او ښځینه سپما ګروپونه چې ۹۵۳۶کلیوال پکې غړیتوب لري؛ جوړ شوي. یادو ګروپونو څه دپاسه یو میلون افغانۍ سپمولي، چې نږدې نهه سوه زره افغانۍ یې د پور په توګه خپلو غړیو ته ورکړې دي.
