په تخار کې د ۱۰ میلیونه افغانیو په ارزښت د ۱۲۶ متره محافظتي دیوال د جوړولو کار بشپړ شو
د کلیو بیا رغونې او پراختیا وزارت د سیمه ییزو پروګرامونو همغږۍ دفتر له لوري د تخار ولایت د فرخار ولسوالۍ په جنګل ګزای کلي کې د ۱۰ میلیونه افغانیو په ارزښت د ۱۲۶ متره اوسپنیز کانکریټي محافظتي دیوال د جوړولو کار بشپړ او ګټې اخیستنې ته وسپارل شو.
د دې پروژې په ترڅ کې ۲ زره کاري ورځې رامنځ ته شوې وې او په بشپړتیا سره یې ۳۵۰ کورنۍ له ګټو برخمنې شوې.
یاده دې وي چې دا دیوال ۲ زره جریبه کرنیزه ځمکه، باغونه، کورونه، او د فرخار د ۴۰۰ کیلو واټه بریښنا کانال د سیلابونو له ګواښه خوندي کوي.
