په کندهار کې د شهید جنرال عبدالرازق اکاډمۍ لپاره د څښاک پاکې اوبه برابرې شوې
د کلیو بیارغونې او پراختیا وزارت په کلیوالي سیمو کې د اوبو رسولو او حفظالصحې د پروګرام له لوري د کندهار ولایت د دامان ولسوالۍ د «شهید جنرال عبدالرازق اکاډمۍ» لپاره د ۱.۹ میلیونه افغانیو په لګښت د څښلو د پاکو اوبو د برابرولو لپاره یوه لمریزه شبکه جوړه او ګټې اخیستنې ته وسپارل شوه.
ددې پروژې په تکمیلېدو سره په شهید جنرال عبدالرازق اکاډمۍ کې د (۱۲۰۰) کسانو لپاره د څښاک پاکې اوبه برابرې شوې.
د اوبو رسولو په دغه پروژه کې د یوې ژورې څاه کیندل، د یوې ارتفاعي ذخیرې جوړول، د ۲۰ تختې سولرو او نورو اړینو وسایلو نصبول شامل وو.
دغه راز د پروژې د جوړولو چارو د ځايي خلکو لپاره کابو (۵۰۰) کاري ورځې هم رامنځته کړې.
