په غور کې د کلیوالي میرمنو د لاسي صنایعو لومړنی نندارتون تر سره شو
د کلیو بیارغونې او پراختیا وزارت د کلیوالي اقتصاد د پياوړتیا ملي پروګرام له لوري د غور ولایت د کلیو پراختیا په ریاست کې د یوې ورځې لپاره یو نندارتون د « همدلي» په نامه د وسیم غوري هوټل په سالون کې جوړ شو، چې پکې د غور ولایت د والي مرستیال، د کلیو پراختیا رییس، دولتي ریسانو، مدني فعالانو او رسنیو ګډون کړی وو.
په دې نندارتون کې د پروګرام ۱۵ ښځینه متشبثینو له ۱۵ مختلفو کلیو څخه برخه اخیستې وه، چې خپل کلیوالي لاسې صنایع لکه د مریو جوړ شوي وسایل، ټغرونه، خامکدوزۍ، په لاس ګنډل شوي یخنونه او نور جوړ شوي تولیدات یې نندارې او پلورنې ته وړاندې کړل. نندارتون ته راتلل ازاد وو، چې نږدې ۲۰۰۰ غوریانو له دې نندارتون څخه لیدنه وکړله.
د یادونې وړ ده، چې په لومړي ځل د غور ولایت په مرکز کې د پروګرام له خوا داسې نندارتو جوړیږي او د غور د خلکو لخوا یې په پراخه کچه ملاتړ کیږي.
