په کندهار کې د ۱۲۷۵ مترو په اوږدوالي د اوبو لګولو کانال د جوړولو کار روان دی
د کلیو بیا رغونې او پراختیا وزارت د سیمه ییز پروګرامونو د همغږی دفتر له لوري د کندهار ولایت د ارغنداب ولسوالۍ د حاجیانو کلا په کلي کې د ۱۲۷۵ مترو په اوږدوالي د اوبو لګولو کانال د جوړولو کار ۳۰ سلنه مخته تللی دی. د یادې پروژې د تطبیق پر مهال کاریګرو ته ۴۹۱۲ کاري ورځې رامنځته شوې او په بشپړیدو به یې ۵۹۵۰ کسان ترې ګټه پورته کړي او د سیمې ۳۴۰ جریبه کرنیزه ځمکه او ګڼ شمیر باغونه د اوبو لګولو تر منظم پوښښ لاندې به راشي.
