په ننګرهار کې د انرژۍ ملي ستندردونو د ترویج او عامه پوهاوي ورکشاپ دایر شو
د کلیو بیا رغونې او پرختیا وزارت د دوامداره انرژۍ پروګرام (ASERD) په تخنیکي او مالي همکارۍ د انرژۍ ملي ستندردونو د ترویج او عامه پوهاوي ورکشاپ د لیندۍ پر ۵ مه نیټه په ننګرهار ولایت کې د ستندرد ملي ادارې له لوري د ټولو ښکېلو ادارو، خصوصي سکتورونو او اکاډمیکو بنسټونو ته دایر شو.
په یاد ورکشاپ کې د ازاد بحث تر څنګ د دوامداره انرژۍ برنامې په همکارۍ ژباړل شوي او چاپ شوي دوه ټوکه ملي ستندردونه هم پر ګډونوالو ووېشل شول.
د دوامداره انرژۍ پروګرام د ستندرد ملي ادارې سره په ګډه، د تجدید وړ انرژۍ اړوند محلي او وارداتي وسایلو د معیاري کولو او د کیفیت د ښه والي په موخه، د نړیوالو ستندردونو د ملي کولو په برخه کې کار کوي.
