په ننګرهار کې د ۹۳۰ متره استنادي دیوال د جوړیدو هوکړه لیک لاسلیک شو
د ننګرهار ولایت د کلیو بیارغونې او پراختیا رییس انجینر امان الله میاخیل او د خوګیاڼیو ولسوالۍ د بربهار چهار دیګانو شورا ترمنځ د یوه استنادي دیوال د جوړیدو هوکړه لیک لاسلیک شو چې ددې دیوال په جوړیدو سره به سلګونه جریبه ځمکه د سیلابونو له څپو په امن کې شي.
دغه استنادي دیوال به ۹۳۰ متره اوږدوالی ولري چې د کلیو بیارغونې او پراختیا وزارت د سیمه ییزې پراختیا Regional Program له لوري جوړیږي. د سیمې اوسیدونکي وایي ددې دیوال په جوړیدو سره به یی نږدې ۳۰۰ جریبه کرنیزه ځمکه د سیلابونو له ګواښ څخه وژغورل شي.
