په نیمروز ولایت کې د کلیوالي اقتصاد د پياوړتیا ملي پروګرام د فعالیتونو بهیر
د کلیو د بیارغونې او پراختیا وزارت د کلیوالي اقتصاد د پياوړتیا ملي پروګرام د همکارې موسسې FGA له لارې د نیمروز ولایت د زرنج او چهار برجک ولسوالیو ۶۵ کلي تر خپل پوښښ لاندې راوستي او په دې کلیو کې یې د سپما ۷۵۶ ګروپونه چې ۵۹۰۰ تنه کلیوالې مېرمنې او نارینه پکې غړیتوب لري، جوړ کړي.
د یادونې وړ ده، چې له یادو سپماګروپونو څخه ۹۰ سلنه ګروپونو تر اوسه په ګروپ کې د غړیتوب او د پیسو د سپمولو په برخو کې روزنې ترلاسه کړي، همداراز ټولو ګروپونو ته د کلیوالي اقتصاد د پیاوړتیا ملي پروګرام لهخوا د پیسو د سپمولو په موخه د سپما بکسونه هم ویشل شوي دي.
