په پروان کې ۱۶۲ کلیوالي کورنیو ته د څښاک پاکې اوبه برابرې شوې
د کلیو بیارغونې او پراختیا وزارت د ولسي تړون ملي پروګرام له خوا د پروان ولایت د (غوربند) د سیاه ګرد ولسوالۍ په تا قلعه کلي کې د ۲ میلیونه او ۳۰۰ زره افغانې په لګښت د۱۶۲ کورنیو لپاره د څښاک پاکو ته د لاسرسي زمینه برابره شوه.
نوموړې شبکه ۱۹۶۳ متره اوږوالي، ۸ نلکې، او د ۳۰ متره مکعبه اوبو په ظرفیت د یوې زیرمې لرونکې ده چې د جوړیدو کار یې بشپړ شویدی. د دغه پروژې د جوړیدو په بهیر کې ماهرو اوغیر ماهرو کاریګرو لپاره ۱۳۲۵ کارې ورځې رامنځته شوې.
