په ارزګان کې ۳۸۶ کلیوالي کورنیو ته د څښاک پاکې اوبه برابرې شویدي
د کلیو بیا رغونې او پراختیا وزارت د ولسي تړون ملي پروګرام له لوري د ارزګان د ترینکوټ ولسوالۍ اړوند د خیرو کاریز کلي د پراختیایي شورا له خوا د څه باندې د ۲ میلیونه او ۹۰۰ زره افغانیو په لګښت د څښاک د پاکو اوبو د ۲ شبکو د جوړولو کار د یو کال په موده کې بشپړ اوګټې اخیستنې ته وسپارل شو.
دا پروژې چې ۱۲ نلکې لري، د کار په بهیر کې یې ماهرو او غیرو ماهرو کاریګرو ته ۱۷۷۱ کاري ورځې را منځته شوې. د یادونې وړ ده چې د نوموړو شبکو په جوړیدو د ۳۸۶ کورنیو ۳۰۴۰ تنه غړیو ته د څښاک پاکې اوبه برابرې شوې.
