په غور کې د اوبو رسولو یوه لمریزه شبکه ګټې اخیستنې ته وسپارل شوه
د کلیو بیارغونې او پراختیا وزارت، په کلیوالي سیمو کې د اوبو رسولو او حفظ الصحې پروګرام له لوري د غور ولایت د لعل او سرجنګل ولسوالۍ په «پیشبند» کلي کې د (۹۶۶زره او ۱۴۰ افغانیو) په لګښت سره، چې د یونیسف د ادارې لخوا ورکړل شوې، د څښاک د اوبو یوه لمریزه شبکه جوړه او د خلکو ګټې اخیستنې ته وسپارل شوه.
د اوبو رسولو ددغې شبکې په جوړېدو سره، د شاوخوا ۳۲ کورنیو لپاره د پاکو اوبو آسانتیاوې برابرې شوې.
د اوبو رسولو ددغې پروژې د جوړولو په چارو کې تر ځمکې لاندې د یوې کانکریټي زیرمې جوړول، د لمریزو تختو (سولرونو) نصبول، د ۵۵۳ متره اوږدې شبکې غځول ، د ۱۶ نلکو او نورو اړینو وسایلو نصبول شامل وو.
د یادې پروژې تطبیق د ځايي خلکو لپاره شاوخوا ۷۶۰ کاري ورځې رامنځته کړې.
