په فراه کې د۹ میلیونه افغانیو په ارزښت د اوبو دیوه کانال کار بشپړ شو
د کلیو بیا رغونې او پراختیا وزارت د سیمه ایزو پروګرامونو د همغږۍ ددفتر له لوري د فراه ولایت د مرکز په ننګ اب کلي کې د۹ میلیونه افغانیو په ارزښت داوبو دیوه کانال کار بشپړ او ګټې اخستنې ته وړاندې شو.
دا کانال ۹۰۰ متره اوږدوالی لري او په دوو پړاوونو کې جوړ شوی دی چې په ترڅ کې یې ۳۰۸۴ کاري ورځې رامنځ ته شوي.
باید ووایو چې ددې کانال په جوړیدو سلګونه جریبه کرنیزه ځمکه داوبه خور تر پوښښ لاندې راغلې او دسیمې ۱۹۱۸ تنه اوسیدونکي به ترې ګټه پورته کړي.
