په بامیان کې د کرونا وایروس پر وړاندې د عامه پوهاوي کمپاین ترسره شو
د کلیو بیارغونې او پراختیا وزارت د کلیوالي اقتصاد د پیاوړتیا پروګرام سیمه ییزو کارکوونکو د بامیان ولایت د یکاولنګ ولسوالۍ په کلیوالي سیمو کې د خپلو ورځنیو کارونو د کولو لکه: د اقتصادي فعالیتونو په برخه کې د خلکو خوځښت، د سپما ګروپونو څخه څارنه، د پور او سپما د کلیوالي اتحادیو او د تولیدي ګروپونو د تشکیل سربېره د کرونا وایروس او د دې وبا پر وړاندې د احتیاطي تدابیرو او د اړوندو موضوعاتو په اړه د پوهاوي کمپاین تر سره کړ.
د عامه پوهاوي دا کمپاین د بامیان ولایت د یکاولنګ ولسوالۍ د ۳۸ کلیو د ۳۹۰ سپماګروپونو، د پور او سپما د ۲۱ کلیوالي اتحادیو او د ۱۵تولیدي ګروپونو کلیدي غړو ته چې نارینه او مېرمنو پکې ګډون درلود، وړاندې شو.
په دې کمپاین کې د عامې روغتیا وزارت د لارښوونو سره سم؛ په پرلهپسې ډول د لاسونو د وینځلو، د کور د وسایلو د پاک ساتنې په موخه د عفوني ضد موادو کارولو، په عمومي ځایونو کې د ماسک اغوستلو، د والګي له ناروغانو څخه چې ټوخی یا زکام لري، د لرې پاتې کېدو، د وګړو ترمنځه د واټن ساتلو، ګڼې-ګوڼې ته د نه ورتللو او تر ډېره بریده په کور د پاتې کېدو په اړه کلیوالو ته معلومات وړاندې شول.
د یادونې ده، چې له دې وړاندې د کورونا وایروس پر وړاندې د حفاظتي تدابیرو د نیولو په اړه د کلیوالي اقتصاد د پیاوړتیا پروګرام لهخوا د دې ولایت په نورو ولسوالیو کې د پروګرام ګټه اخیستونکو ته معلومات وړاندې شويوو.
