په وردګو ولايت کې څه باندې ٣٠٠ کورنيو د څښاک اوبو ته لاس رسي پيدا کړ
د کليوبيارغونې او پراختيا وزارت د اوبو رسولو او روغتيا ساتنې پروګرام له لوري د ميدان وردګو ولايت د سيداباد ولسوالۍ په بېلابيلو سيمو کې د څښاک د اوبو ١٣ څاګانې ګټې اخيستنې ته وسپارل شوې. يادې ١٣ څاګانې د سيداباد ولسوالۍ په زرني، هفت اسياب، اوتړي، پاينده خيلو، قاضي کلا، کده لک، دوراني تنګي، معين خېلو، خواجه کوټګي، صدوخېلو، جان خان او تره خېلو سيمو کې د لاسي بمبو په نصبولو سره په اساسي بڼه کيندل شوي. يادې څاګانې په داسې سيمو کې کيندل شوي، چې تر دې وړاندې يې خلکو د څښاک پاکو اوبو ته لاس رسي نه درلود په دې سره د يادو سيمو له ٣٠٠ ډيرو کورنيو د څښاک پاکو اوبو ته لاس رسي پيدا کړ.
