د ننګرهارپه سره رود ولسوالۍ کې د ۲.۷ ميليونه افغانيو په ارزښت ۱۷۴ کورنيو ته د څښاک پاکې اوبه برابرې شوې
د ننګرهار کليو پرمختيا او بيارغونې رياست له لوري د سره رود ولسوالۍ هجرت کلي کې د اوبو رسولو د يوې شبکې په جوړيدو سره ۱۷۴ کورينو ته د څښاک پاکي اوبه برابرې شوې .
د ننګرهار کليو پرمختيا اوبيارغونې رييس انجينر امان الله مياخيل وويل د اوبو رسولو دغه شبکه د ډاکار مرستندويه ټولنې لخوا د ۲.۷ ميلونه افغانيو په لګښت جوړه شوې ده چې ۹۱ نلکۍ لري او ۱۷۴ کورنيو ته يې د څښاک پاکې اوبه برابرې کړي.
دغه شبکه د ۸۰ مترو په ژوروالي د اوبوڅاه ، ۲۷ سولرې شيشې او د ۳۰ متره مکعبه په ظرفيت سره د اوبو ذخيره لري.
