په غور ولايت کې د محافظوي ديوال جوړولو د پروژې کار مخ په بشپړيدو دي
د کليو بيا رغونې او پراختيا وزارت د سيمه ييز پروګرام له لوري په غور ولايت کې د محافظوي ديوال د پروژې کار چې څه باندې ۳ ميليونه افغانۍ لګښت لري ۹۰ سلنه مخ ته تللي دي. د دغې پروژې په لړ کې چې د ماليې وزارت له لوري تمويل شوې د ياد ولايت د لعل او سرجنګل ولسوالي په قزل کلي کې د ۲۶۰ مترو په اوږدوالي استنادي ديوال جوړيږي. د يادې پروژې د تطبيق د بهير پر مهال ۴۷۴۹ کاري ورځې رامنځته کيږي او له دې پروژې به د سيمې ۱۱۲۰ کسه ګټه پورته کړي. دغه ديوال به سلګونه جريبه کرنيزه ځمکه او کورونه د سيلابونو له زيان څخه خوندي کړي.
