په کابل ولایت کې د څه باندې ۱۷ ميليونه افغانیو په ارزښت ددریوکاریزونو پروژې بشپړې شوې
د کلیو د بیا رغونې او پرمختیا وزارت د سیمه ییز پروګرام له لوري د څه باندې ۱۷ میلیونه افغانیو په ارزښت د کابل ولایت په چهار اسیاب ولسوالۍ کې دوو کاریزونو پروژې بشپړې شوې یو کاریز د یادې ولسوالۍ په قلعه خواجه کلي کې د ۱۳۲۷ مترو په اوږدوالي او د یو بل کاریز څاګانې، د اوبو لګولو زیرمتون او د ۱۷۹۰ مترو په اوږدوالي د اوبو لګولو کانال په پاخه او اساسي ډول جوړ شوي دي. او دریم کاریز پروژه په کلکان ولسوالۍ کې بشړه شوه چې ۵۰ څاګانې او ۱۵۶۰ متره کانال لري.
د یادو کاریزونو د جوړولو په کاري بهیر کې ۱۰۶۸۲ کاري ورځې رامنځته شوي، چې څه باندې ۵ زره کسان به له دې پروژو ګټه اخلي او د سېمه زیاته کرنیزه ځمکه به خړوبوي.
